Library2

اردو ميں مضمون لکھنے کے ليے تحقيق کیسےکریں ؟


اچھا مضمون لکھنا ایک بہت ہی دلچسپ مگر وقت طلب کام ہے۔اور اس کے لکھنے ميں منظم تحقيق ريڑھ کی ھڈی کی سی اہميت رکھتی ہے۔ ايک اندازے کے مطابق دو سے تين ہزار الفاظ پر مبنی مضمون کی تحقيق کے ليے کم از کم بارہ سے اٹھارہ گھنٹے صرف کرنے پڑتے ہيں۔ ريسرچ کے دوران اپنی توجہ تاکہ تحقيق معنی خيز ہوسکے۔ اس کے علاوہ کچھ اور تجاويز مندرجہ ذيل ہيں: 

سوال کو سجھنا

سب سے پہلے يہ بہت ضروری ہے کہ مضمون کے سوال کو اچھی طرح سے سمجھا جاۓ۔ مضمون / سوال کو سمجھنے کے ليے اس کو کئ دفعہ پڑھنا پڑھتا ہے  تاکہ يہ واضح ھوسکے کہزیرنظر مضمون/سوال  میں کن باتوں کا احاطہ کرنا مطلوب ہے-


استاد/ماہر مصنف سے رہنماۂي

بعض اوقات ايسا ممکن ہے کہ کئی  بار سوال پڑھنے کے باوجود سوال سمجھ ميں نہ آۓ۔ ايسی صورت ميں اپنے استاد سے وضاحت کے ليے رہنمائی  لی جاۓ۔ آج کل کے اس جديد دور ميں استاد سے مراد يونيورسٹی اور کالج کے اساتذہ ہی نہيں بلکہ آن لائن  ر ماہرین  بھی ہيں۔


پڑھاۂي/مطالعہ کی فہرست

ايک اچھی اور منظم تحقیق  کے ليے يہ ضروری ہے کہ تجويز کردہ کتابوں، مضامين، روزنامچوں، تبصروں، اور ادب کی ايک فہرست ترتيب ديں۔ فہرست مرتب کرنے کے بعد اس ميں سے بہترين کتابوں، مضامين، روزنامچوں، اور ادب کو ا مزيد پڑھائی  کے ليے منتخب کريں۔ اب ان تمام منتخب کردہ چيزوں کا مطالعہ کريں اور ديکھيں کہ يہ ديے گۓ مضمون کے بارے ميں کيا کہتے ہيں۔


مختلف مصنفوں کی تحريروں کا موازنہ

بعض اوقات ايک مصنف کی يا کئ مصنفوں کی تحرير/تحريروں ميں ديے گۓ نقطۂ نظرکا ايک دوسرے سے موازنہ کرنے سے بڑی مفيد اور کارآمد معلومات حاصل ہوتی ہے۔


وسائل

سوال سمجھنے اور استاد سے رہنمائی  لينے کے بعد يہ ديکھنا اور سمجھنا ضروری ہے کہ تحقیق کے ليے کيا وسائل  موجود ہيں۔ اور موجودہ وسائل  ميں سے کونسے بہترين ہيں۔ بہت سے وسائل  ميں ا، لغت، اخبار، حالات حاضرہ کے جرائد، رسالے، اور ميگزين شامل ہیں- ان  کا استعمال کارآمد ثابت ہوتا ہے۔


ليکچر و ديگر نوٹس

کلاس روم ليکچرز ميں بناۓ/ديے گۓ نوٹسں کو پڑھنے/دہرانے سے بھی مضمون/سوال کے پس منظر کو سمجھنے ميں مدد ملتی ہے، اور بہت سے اہم حوالے بھی ملتے ہيں جو تحقيق اور مطالعہ ميں بڑے کارآمد ثابت ہوتے ہيں۔  

 

کتب خانہ/ لائبریری

کتب خانہ/لائبریری سے واقفيت بھی منظم تحقيق/ريسرچ ميں ايک اہم کردار ادا کرتی ہے۔ اور يہ ان کتابوں، مضامين، روزنامچوں، تبصروں، اور ادب تک رساۂی ممکن بنادتی ہے جن تک بصورت ديگر رسائی ممکن نہ ہوتی۔


مطلوبہ/اہم الفاظ

مطلوبہ/اہم الفاظ جو مضمون/سوال ميں موجود ہوں يا بالواسطہ/بلاواسطہ جن کی طرف اشارہ ہو، ان کو بھی تحقيق ميں بنياد/شروعات کے ليے استعمال کيا جاسکتا ہے۔


ويب سائٹس

 مضمون  کی تحقيق کے ليے جہاں ايک طرف لائبریری سے استفادہ کيا جاتا ہے تودوسری طرف ويب سائٹس اور آن لائن دستياب کتابوں، مضامين، روزنامچوں، تبصروں، اور ادب سے بھی کارآمد معلومات حاصل ہوتی ہے۔ آن لائن کا ايک اور بڑا فاۂدہ يہ کہ يہ کہيں سے بھی کی جا سکتی ہے۔


حکمت عملی

یاد رکھيے، جہاں ايک اچھا مضمون لکھنے کے ليے بہترين تحقيق درکار ہے وہيں ايک اچھی تحقيق کے ليے ايک مربوط اور مؤثر حکمت عملی کی اہميت کو نزراندازنہيں کيا جاسکتا۔

مندرجہ بالا تجاويز کو مدنظر رکھتے ہوۓ اب آپ جمع کی ہوئی کو تفصيل سے پڑھيں اور نوٹس مرتب کريں۔ ايسا کرنے سے تبصرہ ياد رہے گا اور حوالہ دينے ميں بھی آسانی ہوگی۔


<<اوکسفرڈ لِونگ ڈکشنریز سے تحریر، صرف و نحو اور روزمرہ کے بارے میں مزید معلومات حاصل کریں<<


The opinions and other information contained in OxfordWords blog posts and comments do not necessarily reflect the opinions or positions of Oxford University Press.

Powered by Oxford