Microphone

کامیاب تقریر نویسی کے چند اصول

تقریر کرنا ایک بہت مشکل مگر ضروری  فن ہے-  اچھی تقریر  ایک کامیاب معاشرتی زندگی ہی نہیں گزارتا' بلکہ پیشہ

ورانہ زندگی میں بھی کامیابیاں اس کے قدم چومتی ہیں-  تقریر مختلف مواقع اور مقاصد پر کی جاتی ہیں مثال کے

طور پر ہدایات یا معلومات دینے اور تفریح طبع کے لیے- تقریر لکھنے اور لوگوں کی موجودگی میں اس کو پیش کرنے میں سب سے اہم سنے والے کے متعلق معلومات ہونا ضروری ہے کیونکہ سنے والے کو اگر بات سمجھ نہ آئے تو تقریر بےاثر

ہو گی- تقریر کو موثر انداز میں لکھنے میں درج ذیل نکات مدد گار ہوں گے:

۱۔ سنے والے کا تعین 

تقریر لکھنے سے قبل سنے والے کی مکمل معلومات ہونا بہت ضروری ہےکیونکہ وہ اپنی ضرورت اور پسند کے

موضوعات میں ہی دلچسپی لیں گے- تمام سنے والے علم اور تجربے کی ایک سطح پر نہیں ہو سکتے- اس لیے تقریر

ھمیشہ عام سنے والے کو مد نظر رکھ کر لکھی جانی چاہیے- الفاظ اور خیالات کا چناؤ  کرنے والے کی استعداد سے

مین لکھنا ہو۔

۲۔ موضوع کا احاطہ

تقریر بالعموم کسی ایک متعین کردہ موضوع پر کی جاتی ہے اور مقرر کو اپنے موضوع کے حق یا مخالفت  میں اعداد و شمار اور حقائق سنے والے کے سامنے رکھنا ہوتے ہیں اور اپنے نقطہ نظر کو منطقی استدلال سے ثابت کرنا ہوتا ہے-

۳۔ مواد کی تیاری

ایک اچھی تقریر موضوع کے تعارف سے شروع ہوتی ہے- ابتدا بہت بھر پور ہر متاثرکن ہونی چاہیے تاکہ سنے والے کی

دلچسپی بنی رہے- مواد کی تیاری میں درج ذیل باتوں کوذہن میں رکھنا چاہئے:

۱۔ تقریر کا خاکہ ترتیب دیں-

۲- مواد کی ترتیب : پہلے تعارف' پھر وضاحت' اور آخر میں نتیجہ- تعارف میں موضوعاتی  مسئلہ کا احاطہ کریں اور وضاحت میں اس مسئلے کے مختلف حل پیش کریں- نتیجہ میں تمام گفتگو کا ایک خلاصہ بیان کریں-

 ۳- موضوع کو ثابت کرنے کے لیے ٹھوس حقائق اور اعداد و شمار جمع کریں-

٤- ادبی فن پاروں سے اقتباسات اور مشہور اشعار کو شامل کریں-

۵- اپنی بات کو ثابت کرنے کے لیے تاریخ کے حوالہ جات شامل کریں- عام زندگی کی مثالیں بھی بعض اوقات بہت پراثر ثابت ہو سکتی ہیں-

 ٦-  چھوٹے چھوٹے جملے استعمال کریں-

٧-  فقرے اس طرح ترتیب دیں کہ ان میں ایک واضح ربط ہو-

٨- ایک موضوع پر قائم رہیں کیوںکہ اگر آپ بہت زیادہ موضوعات ایک ہی تقریر میں یکجا کر دیں گے تو لوگوں کی دلچسپی کم ہو جائے گی-

٩ - تقریر ایک مکالمے کے انداز میں لکھیں جیسے آپ لوگوں سے بات چیت کر رہے ہوں-

٤- الفاظ کا چناؤ

تقریر میں لکھے گئے الفاظ بامعنی اور عام فہم ہونا بہت ضروری ہے- مبہم' مشکل اور دہرے معنی والے الفاظ تقریر کی معنویت کم کر دیں گے اورعدم دلچسپی کا باعث ہوں گے-

۵- وقت کا لحاظ اور نظر ثانی 

تقریر مکمل لکھ لینے کے بعد ایک دفعہ اس کو بغور پڑھیں تاکہ مواد کی ترتیب، مثالوں اور اقتباسات کے استعمال' فقروں کی روانی اور الفاظ کے چنا ؤمیں اگر کوئ کمی رہ گئی ہو تو اسکی تصحیح کی جا سکے- مزید یہ کہ اگر زبان یا بیان کی کوئ غلطی رہ گئی ہو تو اس کی اصلاح کی جا سکے-

تقریر ایک مقررہ وقت میں ختم کرنی ہوتی ہے اس لیے ضروری ہے کہ آپ مواد اتنا ہی لکھیں جو مقررہ وقت میں احاطہ

ہو سکے- تقریر لکھنے کے بعد کم از کم ایک مرتبہ پڑھ کر دیکھ لیں تا کہ دوران تقریر آپ کو وقت کی کمی کی وجہ سے کچھ نکات چھوڑنے نا پڑیں- 



<<اوکسفرڈ لِونگ ڈکشنریز سے تحریر، صرف و نحو اور روزمرہ کے بارے میں مزید معلومات حاصل کریں<<



OxfordWords بلاگ اور تبصروں میں موجود خیالات اور دوسری معلومات لازمی طور پر اوکسفرڈ یونیورسٹی پریس کے خیالات یا موقف کی ترجمانی نہیں کرتے۔

اوکسفرڈ کی زیرِ نگرانی