MEMBER GUIDELINES

ارکان کے لیے ہدایات
اوکسفرڈ لِونگ ڈکشنریز کے ارکان کے لیے ہدایات
اوکسفرڈ لِونگ ڈکشنریز میں خوش آمدید۔ یہ ایک ایسی جگہ ہے جہاں آپ اردو کے لیے ڈیجیٹل زبان کے وسائل میں اضافہ کرنے کے لیے اپناحصہ ڈال سکتے ہیں، اپنی زبان سے محبت کرنے والے ساتھیوں کے ساتھ خیالات اور آرا کا تبادلہ کر سکتے ہیں اور اپنے سوالات کے جوابات حاصل کر سکتے ہیں۔
اوکسفرڈ لِونگ ڈکشنریز کے بارے میں
ہم نت نئے اندراجات اور تراجم جمع کرنے میں آپ کی حوصلہ افزائی کرتے ہیں تاکہ آپ کی زبان کے لیے ایک رواں ڈکشنری تشکیل دی جا سکے۔ آپ یہاں الفاظ اور تراجم کے متعلق سوالات پوچھ سکتے ہیں، اور جو سوالات پوسٹ کیے جائیں، ان کے جوابات دے سکتے ہیں۔ آپ زبان اور الفاظ کے متعلق اپنے خیالات کا اظہار کر سکتے ہیں، اور دوسروں سے ان کے خیالات کے بارے پوچھ سکتے ہیں۔

لینگویج مینیجر سوشل منیجر بھی ہےاور آپ کے رابطے کا مرکز بھی۔ وہ زبان کے وسائل کی ترقی میں مدد فراہم کرنے اور اس بات کو یقینی بنانے کے لیے موجود ہے کہ تمام اضافے اور آرا یہاں دی گئیں مفّصل ہدایات کے عین مطابق ہوں۔
براہِ مہربانی غور فرما لیں کہ لینگویج منیجر اوکسفرڈ ڈکشنریز سائیٹ کے ذریعے مجموعی طور پر فراہم کردہ مندرجات اور خدمات کے بارے میں کیے گئے سوالات کے جوابات دینے سے قاصر ہو گا۔ اگر اوکسفرڈ ڈکشنریز کی کسی پراڈکٹ یا سبسکرپشن کے بارے میں آپ کا کوئی سوال ہو، یا ہماری ڈکشنری کے مندرجات میں سے کسی ایک کے بارے میں آپ نے کچھ دریافت کرنا ہو تو براہِ مہربانی مددگار صفحات پر جائیں (براہِ مہربانی غور فرمالیں کہ یہ مواد انگریزی میں ہے)۔
اس ویب سائیٹ (oxforddictionaries.com یا دا ’ویب سائیٹ‘) کے استعمال سے آپ ان ہدایات پر عمل کرنے کی توثیق کرتے ہیں اور اس کے ساتھ ساتھ ہماری پرائیویسی پالیسی اور لیگل نوٹس کی بھی توثیق کرتے ہیں جس میں مواد (ڈیٹا) کے عمومی تحفّظ کی شرائط، اوکسفرڈ یونیورسٹی پریس کے حقوق، کہ وہ کسی بھی صارف کا بنایا گیا مواد استعمال کر سکتے ہیں، اور سائیٹ کے منصفانہ استعمال کی وضاحت کی گئی ہے ۔ اگر آپ کو یہ دستاویز کسی دوسری زبان میں درکارہو، تو براہِ مہربانی ہم سے رابطہ کریں۔

روّیہ
ہم تمام لوگوں کو شراکت کی دعوت دیتے ہیں۔ ویب سائیٹ پر کسی بھی پوسٹ، رائے یا شراکت (کنڑیبیوشن) کے سلسلے میں درج ذیل روّیہ قطعاً برداشت نہیں کیا جائے گا۔
•ویب سائیٹ (اور اس کے ذیلی شعبہ جات) پر دوسرے اراکین یا دیگر آنے والے لوگوں کے ساتھ کسی بھی طرح کا رویہ جو جارحانہ یا توہین آمیز ہو۔
•غلیظ یا ناخوش گوار زبان کا استعمال (ماسوائے اس صورت میں جب اس طرح کی زبان پر فاضلانہ گفتگو کی جائے)۔
•اشیا اور خدمات سے متعلق تجارتی یا تشہیری نوعیت کی پوسٹس، یا اشیا کی خرید و فروخت سے متعلق کسی بھی طرح کی پوسٹس (ماسوائے تب جب کسی دوسرے رکن کی طرف سے اس کی بالخصوص درخواست کا جواز ہو)۔
•ٹرولنگ (کسی کو پریشان کرنے یا ان سے غصّے والا جواب حاصل کرنے کی غرض سے جان بوجھ کر جارحانہ یا اشتعال انگیز آن لائن پوسٹ کرنا)
•زبان اور الفاظ سے غیر متعلقہ موضوعات
•مواد جو غیر قانونی، دھمکی آمیز، ہراساں کرنے والا، تکلیف دہ، مذہب سے متصادم، ہتک آمیز، فحش، شہوت انگیز، توہین آمیز، گمراہ کن، فریب کارانہ، جنسی افعال کی واضح یا تصویری شکل میں تفصیلات یا شواہد سے متعلق ہو ( اس میں متشدّد یا دھمکی آمیز جنسی زبان جو کہ کسی دوسرے فرد یا افراد کے خلاف استعمال کی گئی ہو، بھی شامل ہے لیکن محدود نہیں) اور دوسرے کی خلوت میں دخل اندازی کےمترادف یا نفرت آمیز ہو۔
•مواد جو ایسے روّیے کا آلہ کار ہو یا اس کی حوصلہ افزائی کرے جو مجرمانہ خلاف ورزی یا قانونی جواب دہی کا باعث بنے ۔
•مواد جس میں وائرس، سپائی ویئر یا دیگر کوئی نقصان دہ عنصر شامل ہو، کسی طرح کی تشہیر، یا اس سے ماخذ یا بیانات سے متصادم یا گمراہ کن عمل کا اظہار ہوتا ہو۔
•جان بوجھ کر غلط یا گمراہ کن معلومات۔
•مواد جس کا حقِ اشاعت کاپی رائٹ کے ذریعے، یا دیگر ملکیتّی یا فکری ملکیت حق (انٹیلیکچوئل پراپرٹی رائٹ ) کے ذریعے محفوظ ہو، جس کی پہلے ہی ملکیتی یا دانشورانہ فکری ملکیت کے حقوق کے حامل سے اجازت نہ لی گئی ہو۔
•کسی بھی طرح کی حسّاس، ذاتی، ملکیتّی یا رازدارانہ معلومات جو آپ کے تبصروں میں آپ کے اپنے متعلق یا دوسروں کے متعلق ہو۔

نگرانی
ہم ویب سائیٹ پر پیش کی جانے والی تمام پوسٹوں کی نگرانی کرنے کا حق محفوظ رکھتے ہیں تاکہ کوئی بھی چیز رہنما اصولوں کے منافی نہ ہو۔ اس کے نتیجے میں کچھ پوسٹیں اشاعت سے قبل تصحیح و تدوین کی غرض سے بھیجی جا سکتی ہیں اور اس وجہ سے ویب سائیٹ پر پوسٹ ظاہر ہونے میں کچھ وقت لگ سکتا ہے۔
ہم بغیر کسی پیشگی تنبیہ یا گف و شنید کے کسی بھی ایسے استعمال کنندہ کو جو ان ہدایات کی پیروی نہیں کرتا بلاک کرنے اور اس کی سابقہ تمام پوسٹوں اور شراکت (کنٹریبیوشنز) کو ہٹانے کا حق محفوظ رکھتے ہیں ۔
درستگی اور ایمانداری
ہم چاہتے ہیں کہ آپ اپنے تعارفی خاکے میں اپنی غلط تصویر کشی نہ کریں۔ یہ اوکسفرڈ لِونگ ڈکشنریز کی پالیسی ہے کہ ارکان ایک دوسرے کے ساتھ احتساب اور شفافیت کی وجوہات کی بنا پر اپنے اصل ناموں کے ساتھ بات چیت کرتے ہیں۔
استعمال کنندہ کی طرف سے جو مواد پوسٹ کیا جاتا ہے وہ ابتدائی طور پر ’استعمال کنندہ کی طرف سے شراکت‘ کے طور پر ظاہر ہوتا ہے، اور بعد ازاں دیگر اوکسفرڈ لِونگ ڈکشنریز کے استعمال کنندگان یا اندرونی طور پر او یو پی کی طرف سے پرکھے جانے کے بعد اس کی توثیق کی جاتی ہے۔


See more from Explore