قانونی نوٹس

یہ قانونی نوٹس اس ویب سائٹ oxforddictionaries.com (’ویب سائٹ‘) اور اس کی ذیلی ڈومینز سے متعلق ہے اور اس ویب سائٹ اور اس کی ذیلی ڈومینز کے بارے میں آپ کے استعمال کےمتعلق حدودکار کا تعین کرتا ہے۔ ویب سائٹ کو استعمال کرتے ہوئے، آپ اس بیان میں بتائے گئے طریقہ کار سے رضامندی کا اظہار کرتے ہیں۔

آپ رجسٹریشن کیے بغیر یا Oxford University Press (’او یو پی،‘ ’ہم،‘ ’ہمیں‘ یا ’ہمارے‘) کو اپنی تفصیلات دیے بغیر ویب سائٹ کے کچھ حصّوں تک رسائی حاصل کر سکتے ہیں۔

چونکہ ویب سائٹ پر معلومات نامکمل، پرانی یا غلط ہو سکتی ہیں اور اس میں تکنیکی خرابیاں یا املا کی غلطیاں ہوسکتی ہیں، اس لیے او یو پی اپنی صوابدید کے مطابق ویب سائٹ میں تجدید کا کلّی حق محفوظ رکھتی ہے۔ اس لیے ایسی معلومات میں بغیر اطلاع  ترامیم ہوسکتی ہیں یا ان کی تجدید ہو سکتی ہے۔

ہم اس قانونی نوٹس میں ترمیم کا حق محفوظ رکھتے ہیں۔ اگر ہم نے اس قانونی نوٹس میں ترمیم کی تو اسے اس صفحے پر پوسٹ کیا جائے  گا اور جہاں مناسب ہوا، ہم آپ کو ای میل کے ذریعے مطلع بھی کریں گے۔ ہو سکتا ہے اس قانونی نوٹس کے کچھ حصوں پر ویب سائٹ کے خاص صفحات پر موجود مخصوص انداز میں تیار کیے گئے قانونی نوٹسز یا شرائط فوقیت رکھتی ہوں۔

استعمال کنندگان کے مستعمل نام (یوزر نیم) اور پاس ورڈز

ویب سائٹ پر آپ نے جہاں رجسٹریشن کروائی ہے اور جہاں آپ کو ایک استعمال کنندہ کا مستعمل نام اور پاس ورڈ مہیا کیا گیا ہے، آپ اپنا مستعمل نام اور پاس ورڈ کسی اور کو نہ دینے کا اقرار کرتے ہیں۔ اگر آپ کا مستعمل نام اور / یا پاس ورڈ کسی پر افشا ہو جاتا ہے، تو آپ اس طرح کے انکشاف کے بارے میں ہمیں فوری طور پر بتانے کا اقرار کرتے ہیں تاکہ او یو پی مناسب تحفّظانہ اقدامات کر سکے اور آپ کو ایک نیا مستعمل نام اور پاس ورڈ مہیا کر سکے۔

ویب سائٹ پر موجود مواد کا استعمال

آپ کو اجازت دی جاتی ہے:

1.ویب سائٹ پر موجود مواد کو تلاش کرنے، دیکھنے، بازیافت کرنے، اور اس کے حصوں کو ظاہر کرنے کی

2.ویب سائٹ پر موجود مواد کے حصّوں کو الیکٹرانک طریقے سے محفوظ کرنے کی

3.اور / یا ویب سائٹ کے مواد کے حصّوں کی ایک ایک نقول کے پرنٹ نکالنے کی
ہر ایک معاملے میں، اگر ویب سائٹ کے خاص صفحات پر کچھ مخصوص پابندیوں کا اطلاق ہوتا ہو تو یہ اجازت اُن پابندیوں کے تحت ہو گی۔ آپ کو ویب سائٹ پر نظر آنے والے کاپی رائٹ نوٹسز یا دوسرے پہچان کے ذرائع یا دستبرداری کے دعووں (ڈسکلیمرز) کو حذف یا تبدیل نہیں کرنا چاہیے، اور/یا مخصوص طریقے سے کسی بھی مقصد کے لیے محدود مواد کی بہت زیادہ تعداد میں پرنٹ یا الیکٹرانک نقول نہیں نکالنی چاہییں، ماسوائے تب جب قانون اجازت دے یا او یو پی کی طرف سے اختیار دیا جائے۔

اگر آپ نیوز لیٹرز موصول کرنے کے لیے آمادگی ظاہر کرتے ہیں یا ہمارے ویب فیڈ پر رکنیت لیتے ہیں تو جو مواد بھی آپ کو بھیجا جائے گا آپ اسے صرف غیر کاروباری مقاصد کے لیے ہی استعمال کر سکتے ہیں۔ آپ درج ذیل کام نہیں کر سکتے:

1.جو مواد آپ کو بھیجا جائے ان میں نظر آنے والے کاپی رائٹ نوٹسز یا پہچان کے دوسرے ذرائع یا دستبرداری کے بیانات کو حذف کرنا یا ان میں ترمیم کرنا

2.مخصوص طریقے سے کسی بھی مقصد کے لیے مواد کی بہت زیادہ تعداد میں پرنٹ یا الیکٹرانک نقول نہیں نکال سکتے ماسوائے تب جب قانون اجازت دے یا او یو پی کی طرف سے اختیار دیا جائے

3.مواد کے کسی بھی حصے کو کسی بھی الیکٹرانک نیٹ ورک، بشمول حد بندیوں کے بغیر انٹرنیٹ اور ورلڈ وائیڈ ویب پر دکھانا یا بانٹنا

4.کسی کو مواد تک رسائی یا استعمال کی اجازت دینا، اور/ یا

5.مواد کا کچھ یا تمام حصہ کاروباری مقاصد کے لیے استعمال کرنا

فکری ملکیتی حقوق (انٹلیکچوئل پراپرٹی رائٹس)

ہم اور/ یا ہمارے لائسنس دہندگان ویب سائٹ پر فکری ملکیتی حقوق کے مالک ہیں، اور تمام دنیا بھرمیں ویب سائٹ اور ویب سائٹ پر موجود مواد فکری ملکیتی حقوق کے قانون کے تحت، بشمول کاپی رائٹ اور ٹریڈ مارک قوانین، محفوظ ہے۔ اس قانونی نوٹس اور آپ اور او یو پی کے درمیان دیگر اور لائسنس معاہدوں کی شرائط کے مطابق، اس طرح کے تمام حقوق محفوظ ہیں اور کوئی بھی مواد ہماری تحریری پیشگی اجازت کے بغیر کسی بھی صورت میں نقل، تبدیل، شائع یا نشر نہیں کیا جا سکتا یا کسی اور صورت میں تقسیم نہیں جا سکتا۔ اوکسفرڈ یونیورسٹی پریس، او یو پی، اوکسفرڈ اور / یا اوکسفرڈ یونیورسٹی پریس کی طرف سے فراہم کی جانے والی اور ویب سائٹ پر حوالہ دی گئی پراڈکٹس یا سروسز کے کوئی بھی دوسرے نام یا توOxford University اوکسفرڈ یونیورسٹی پریس کے ٹریڈ مارکس ہیں یا رجسٹرڈ ٹریڈ مارکس ہیں۔

مندرجہ بالا بیان کے ساتھ ساتھ پہلے کی طرح جہاں اطلاق ہو، ویب سائٹ پر دکھائی جانے والے کسی بھی خاکے یا تصویر میں کاپی رائٹ اُس رائٹ ہولڈر (حقدار یا حقداروں) کی ملکیت ہوتا ہے جس کا نام اُس خاکے کی ’تصویرکی تفصیلات والے خانے‘ میں درج ہوتا ہے۔ جملہ حقوق محفوظ ہیں۔ ویب سائٹ سے کسی بھی خاکے یا تصویر کو نقل نہیں کیا جا سکتا، اس میں ترمیم نہیں کی جا سکتی، اس کی اشاعت نہیں کی جا سکتی اور اسے نشر نہیں کیا جا سکتا، نہ ہی اسے کسی اور صورت میں تقسیم کیا جا سکتا ہے۔

روابط (لنکس)

او یو پی کی طرف سے دوسری ویب سائٹس کے روابط (لنکس) خلوص نیت اور صرف معلومات کی غرض سے مہیا کیے جاتے ہیں۔ او یو پی ویب سائٹ کے ساتھ منسلک کسی اور ویب سائٹ میں موجود مواد کی ذمہ داری نہیں لیتی۔

اس کے ساتھ ساتھ، کسی غیراو یو پی سائٹ کے لیے لنک مہیا کرنے کا ہر گز یہ مطلب نہیں کہ او یو پی مواد کی، یا ایسی ویب سائٹ کے استعمال کی یا پراڈکٹس اور / یا سروسز کی تائید کرتی ہے یا کسی طرح کی ذمہ داری اٹھاتی ہے جن کی اس ویب سائٹ پر پیشکش کی جائے۔ یہ آپ پر منحصر ہے کہ آپ کس حد تک اس بات کی یقین دہانی کرنے کے لیے احتیاطی تدابیر اختیار کرتے ہیں کہ اپنے استعمال کے لیے آپ جس چیز کا بھی انتخاب کرتے ہیں وہ وائرسز، ورمز، ٹروجنز اور کمپیوٹر میں خرابی پیدا کرنے والے اس طرح کے دیگر مضر عناصر سے پاک ہے۔

سروس تک رسائی

جبکہ ہم اس بات کی یقین دہانی کے لیے کوشاں ہیں کہ ویب سائٹ دن رات کے 24 گھنٹے دستیاب ہو، ہم اس بات کے ذمہ دار نہیں ہوں گے اگر کسی بھی وجہ سے ویب سائٹ کسی بھی وقت یا کتنے دورانیہ کے لیے دستیاب نہ ہو سکے۔

ویب سائٹ تک رسائی، عارضی طور پر اور بغیر پیشگی اطلاع کے نظام میں خرابی، مرمت یا ہمارے اختیار سے باہر وجوہات کی بنا پرمعطل ہو سکتی ہے۔

سروس تک رسائی

ہم کوشش کرتے ہیں کہ ہماری ویب سائٹ دن میں 24 گھنٹے دستیاب رہے، تاہم اگر ویب سائٹ کسی وجہ سے کسی بھی دورانیے کے لیے دستیاب نہیں ہوتی تو ہم اس کے ذمہ دار نہیں ہوں گے۔

سسٹم کی خرابی، مرمت یا کسی اور وجہ سے بغیر پیشگی نوٹس کے ویب سائٹ تک رسائی منقطع ہو سکتی ہے۔

کاپی رائٹس کی خلاف ورزی کی شکایات

او یو پی انٹیلیکچوئل پراپرٹی کے حقوق کا احترام کرتا ہے اور ان کی حفاظت کو سنجیدگی سے لیتا ہے۔ اگر آپ سمجھتے ہیں کہ اگر اس ویب سائٹ پر موجود کوئی مواد آپ کے کاپی رائٹ کے حق کی خلاف ورزی کرتا ہے اور آپ اسے ہٹوانا چاہتے ہیں تو ازراہِ کرم ہمیں ای میل یا ڈاک سے لکھ بھجیے۔ آپ کے خط میں یہ چیزیں شامل ہونی چاہییں:

  1. کاپی رائٹس کے مالک یا اس کے نمائندے کا ڈیجیٹل یا اصل دستخط
  2. آپ کے کام کی شناخت جس کے بارے میں آپ کا خیال ہے کہ اس کے کاپی رائٹس کی خلاف ورزی ہوئی ہے۔ یا اگر متعدد کاپی رائٹس ایک ہی نوٹیفیکیشن کے ذریعے کور ہوتے ہوں تو ان کی فہرست
  3. اس مواد کی شناخت جس کے بارے میں آپ کا خیال ہے کہ اس کے کاپی رائٹس کی خلاف ورزی ہوئی ہے، تاکہ او یو پی کو اس مواد کو ڈھونڈنے میں آسانی ہو
  4. آپ کا پتہ، ٹیلی فون نمبر، اور اگر دستیاب ہو تو ای میل کا پتہ جہاں آپ سے رابطہ کیا جا سکے
  5. ایک بیان جس میں کہا گیا ہو کہ جو مواد کے بارے میں آپ شکایت کر رہے ہیں اس کے استعمال کی کاپی رائٹس کے مالک نے اجازت نہیں دی
  6. ایک بیان جس میں کہا گیا ہو کہ دی گئی معلومات درست ہیں اور آپ زیرِ حلف کاپی رائٹس کے مالک کی جانب سے شکایت کرنے کے مجاز ہیں۔

ازراہِ کرم یہ معلومات ہمارے مقرر کردہ ڈی ایم سی اے ایجنٹ کو ان پتوں پر بھیجیں:

ای میل کے ذریعے:

dmca@oup.com

ڈاک کے ذریعے

Legal Department
Oxford University Press
Great Clarendon Street
Oxford
OX2 6DP
United Kingdom

استعمال کنندگان کی طرف سے تخلیق کردہ مواد

ہماری ویب سائٹ کےکچھ حصے استعمال کنندگان کو اجازت دے سکتے ہیں کہ وہ وہاں اپنا مواد شامل کر سکیں۔  یہ لازمی نہیں کہ استعمال کنندگان کی طرف سے شامل کیا گیا مواد او یو پی کے نقطۂ نظر کی بھی عکاسی کرتا ہو۔ ہماری ویب سائٹ پر مواد شامل کرنے سے آپ ہماری ہدایات پر عمل کرنے کے پابند ہو جاتے ہیں۔ آپ اس بات کے ضامن ہوتے ہیں کہ اس طرح کا مواد ان ہدایات سے مطابقت رکھتا ہے اور یہ کہ آپ کے پاس اس طرح کے مواد کے تمام ضروری حقوق محفوظ ہیں اور یہ کہ اس طرح کا مواد کسی تیسرے فریق کے ذاتی یا ملکیتی حقوق کے منافی نہیں ہے، یہ کہ اس طرح کا مواد تکنیکی طور پر نقصان دہ نہیں ہے (بشمول بغیر حد بندیوں کے، کمپیوٹر وائرسز، لاجک بامز، ٹروجن ہارسز، ورمز، نقصان دہ عناصر، مضر مواد یا دوسرے مخاصمانہ سوفٹ وئیرز یا نقصان دہ مواد)۔

او یو پی اس بات کا حق محفوظ رکھتی ہے کہ وہ اپنی مکمل رضا و مرضی سے استعمال کنندگان کی طرف سے پوسٹ کیے گئے ایسے مواد کا جائزہ لے، اس میں رد و بدل کرے یا ایسی چیزیں منسوخ کر دے جو او یو پی کے مطابق ہدایات کے منافی ہوں اور / یا اشتعال انگیز، غیر قانونی، دھمکی آمیز، فحش یا دوسری صورت میں قابلِ اعتراض ہوں۔ اس کے ساتھ ساتھ پہلے کی طرح، او یو پی آپ کی طرف سے یا ویب سائٹ کے کسی اور استعمال کنندہ کی طرف سے شامل کیے جانے والے مواد کی کسی بھی طرح کی جواب دہی یا ذمہ داری قبول نہیں کرتی۔ ہماری ویب سائٹ پر آپ کی طرف سے پوسٹ کیے گئے یا شامل کیے گئے کسی ایسے مواد کی وجہ سے، جو قانون نافذ کرنے والے اداروں یا کسی اور تیسری پارٹی کے دعوٰی کے مطابق ان کے فکری ملکیتی حقوق یا پرائیویسی کے بارے میں ان کے حقوق کے منافی ہو، تو ہم آپ کی شناخت انھیں عیاں کرنےکے حقوق محفوظ رکھتے ہیں۔

استعمال کنندہ کی طرف سے بنائے گئے مواد کو استعمال کرنے کی بابت او یو پی کا حق

ہماری ویب سائٹ پر آپ کی طرف سے شامل کیا گیا کوئی بھی موادغیر خفیہ سمجھا جائے گا۔ او یو پی کے آپ کو اس قانونی نوٹس (اوپر دیکھیے ’ویب سائٹ کے مواد کا استعمال‘) کے مطابق اس ویب سائٹ کے استعمال کی اجازت دینے کی بنا پرآپ او یو پی کو مسلسل، عالمگیر، ناقابل تردید، معاوضے (رائلٹی) سے مستثنیٰ، قابل انتقال، اور خصوصی لائسنس دیتے ہیں جس کے مطابق وہ اس طرح کا مواد استعمال کر سکتی ہے، اس میں ترمیم کر سکتی ہے، تجزیہ کر سکتی ہے، شائع کر سکتی ہے، ظاہر کر سکتی ہے، اور عوام کو اس کے بارے میں بتا سکتی ہے، اور اس طرح کے مواد(یا اس کےکچھ حصے)  کا ترجمہ تمام زبانوں میں، کسی بھی صورت میں یا ذرائع ابلاغ کو استعمال کرتے ہوئے، چاہے اب وہ پوری طرح سےموجود ہو یا نہ ہو، کر کے استفادہ کر سکتی ہے (اور اس طرح کے تمام حقوق ذیلی لائسنس کے تحت کسی کو دے سکتی ہے)۔ آپ ہماری ویب سائٹ پر شامل (اپ لوڈ) کیے جانے والے کسی بھی مواد کے اخلاقی حقوق سے دستبردار ہو جاتے ہیں (جس میں مصنف کے طور پر پہچانے جانے کا حق بھی شامل ہے لیکن اسی تک محدود نہیں)۔ ہم آپ کے کام کا اعتراف کر سکتے ہیں لیکن آپ تسلیم کرتے ہیں کہ ہم ایسا کرنے کے پابند نہیں ہیں۔

نگرانی (موڈریشن)

ہم ویب سائٹ پر تمام پوسٹوں کی نگرانی کرنے کا حق محفوظ رکھتے ہیں، تا کہ کسی بھی ایسی پوسٹوں کی نشاندہی ہو سکے جو اس قانونی نوٹس اور/ یا ہدایات کے منافی ہوں۔ اس کے نتیجے کے طور پر، کچھ پوسٹیں اشاعت سے پہلے نگرانی کے لیے بھیجی جاسکتی ہیں اور، نتیجتاً ویب سائٹ پر پوسٹ ظاہرہونے میں کچھ تاخیر ہو سکتی ہے۔

معطلی اور منسوخی

ہم اس بات کا تعین اپنی صوابدید پر کریں گے کہ آپ کے ویب سائٹ کواستعمال کرنے کے دوران اس قانونی نوٹس یا ہدایات کی خلاف ورزی ہوئی ہے یا نہیں۔ جب بھی اس قانونی نوٹس یا ہدایات کی خلاف ورزی ہو گی، تو ہم جو اقدامات ضروری سمجھیں وہ کر سکتے ہیں، مثلاً کسی ایسے استعمال کنندہ کو خبردار یا مطلع کیے بغیر بلاک کرنا جو اس قانونی نوٹس یا ہدایات کی پاسداری نہیں کرتا، اور یہ یہیں تک محدود نہیں، اس کی تمام سابقہ پوسٹوں اور شراکت کو حذف کیا جا سکتا ہے۔

اس قانونی نوٹس اور/ یا ہدایات کی پاسداری نہ کرنے کی صورت میں فوری طور پر عارضی یا مستقل بنیادوں پر آپ کی رسائی اور / یا ویب سائٹ استعمال کرنے سے متعلق آپ کے حق کو منسوخ کیا جا سکتا ہے۔

ویب سائٹس کی عالمی نوعیت

آپ اس ویب سائٹ کی عالمی کیفیت کے بارے میں جانتے ہیں اور اس بنا پر اسے استعمال کرتے ہوئے آپ اپنے مقامی عدالتی نظام کے متعلقہ قوانین پر عمل کرنے کا اعتراف کرتے ہیں۔

ہم ویب سائٹ پر جو معلومات شائع کرتے ہیں ان میں ہماری طرف سے پیش کردہ خدمات اور / یا پراڈکٹس کے ایسے حوالہ جات اور باہمی حوالہ جات موجود ہو سکتے ہیں جو آپ کے ملک میں مشتہر یا میسرنہیں ہیں۔ اس طرح کے حوالہ جات کا یہ مطلب نہیں کہ ہم آپ کے ملک میں بھی اس طرح کی خدمات اور / پراڈکٹس کی تشہیر کرنے کا ارادہ رکھتے ہیں۔

زبان

یہ قانونی نوٹس انگریزی زبان میں تیار کیا گیا ہے۔ اگر اس قانونی نوٹس کا کسی دوسری زبان میں ترجمہ ہوتا ہے تو انگریزی زبان کو ہی فوقیت حاصل رہے گی۔

نافذالعمل قانون

آپ تسلیم کرتے ہیں کہ یہ قانونی نوٹس پوری طرح سے انگلینڈ اور ویلز کی عدالتی قوانین کے عین مطابق نافذالعمل ہو گا۔ اس کے ساتھ ساتھ پہلے کی طرح، اس قانونی نوٹس کی کوئی چیز او یو پی کو اس کے فکری ملکیتی حقوق کی خلاف ورزی پر کسی بھی عدالتی میں قانونی چارہ جوئی کی غرض سے مقدمہ دائر کرنے سے نہیں روک سکتی۔

ملکیتی حیثیت پر نوٹ

Oxfordictionaries.com اور اس کی ذیلی ڈومینز میں کچھ ایسے الفاظ شامل ہو سکتے ہیں جو ٹریڈ مارکس یا اس کے علاوہ ملکیتی حیثیت کے حامل ہوں یا سمجھے جائیں۔ ان کو شامل کرنے کا یہ مطلب ہرگز نہیں کہ قانونی مقاصد کے لیے ان کی حیثیت غیر ملکیتی یا عمومی ہو گئی ہے اور مزید یہ کہ ان کی قانونی حیثیت کے بارے میں کسی اور طرح کی رائے قائم نہیں کرنی چاہیے۔ ان مواقع پر، جہاں ترمیم و تحریف کے مجاز عملے کے پاس کچھ شواہد ہوں جن سے کسی لفظ کی ملکیتی حیثیت ثابت ہو، اس لفظ کے لیے اس چیز کا اظہار انٹری میں کیا جائے گا لیکن وہاں اس طرح کے الفاظ کی قانونی حیثیت کے بارے میں کسی طرح کی رائے قائم نہیں کی جاتی اور نہ ہی اس بات کا اشارہ دیا جاتا ہے۔

اوکسفرڈ ڈکشنریز کی بلاگ پوسٹس میں کیے گئے تبصرے اوکسفرڈ یونیورسٹی پریس کے خیالات یا موقف کی لازمی طور پر ترجمانی نہیں کرتے۔