Spelling check808x234

غلط لکھے جانے والے اردو کے الفاظ

اردو زبان میں متعدد زبانوں کے الفاظ مروج ہیں جن کی صوتیات خاصی متنوع ہیں۔ اس کے حروف تہجی میں ملتی جلتی آوازوں والے حروف بھی شامل ہیں۔ اگر پوری طرح شناسائی نہ ہو اور چھان بین نہ کی گئی ہو تو الفاظ لکھتے وقت غلطی کا امکان زیادہ ہوتا ہے۔

جن الفاظ میں ’ز‘ یا ’ذ‘ کا استعمال ہوتا ہے، اکثر لوگ وہ الفاظ لکھتے وقت غلطی کر جاتے ہیں۔ مثال کے طور پر لفظ ’کاغذ۔‘ اس لفظ میں اکثر اوقات لوگ ’ذ‘ کی جگہ ’ز‘ لگا دیتے ہیں۔ اس سے لفظ بولنے میں فرق کاپتہ نہیں چلتا لیکن لکھنے میں غلطی ہوجاتی ہے اور لفظ کا طرز بدل جاتا ہے۔

ایک اورمثال ’نذر‘ اور ’نظر‘ کی ہے۔ یہ دو مختلف الفاظ ہیں اور ان کے معنی بھی مختلف ہیں۔ لیکن اکثر لوگ جو الفاظ کی صحیح شناسائی نہیں رکھتے وہ ان دو لفظوں میں غلطی کر جاتے ہیں۔ اور لکھتے ہوئے کوئی غلط لفظ لگا کر جملے کے معنی ہی تبدیل کر جاتے ہیں۔

لفظ ’بالکل‘ بھی اسی طرح کاایک لفظ ہے جس کو اکثر لوگ غلط لکھ دیتے ہیں۔ اس لفظ میں ب کے بعد الف لکھا جاتا ہے لیکن پڑھتے یا بولتے وقت الف کی آواز نہیں پڑھی جاتی۔ اسی لیے اکثر لوگ ’ بالکل ‘ کو ’بلکل‘ لکھ دیتے ہیں جو غلط ہے۔

اسی طرح سے لفظ بین الاقوامی ہے۔ یہاں بیچ والا الف اکثر حذف ہو جاتا ہے اور یہ لفظ بین القوامی دیکھنے میں آتا ہے جو غلط ہے۔

ذیل میں ایک فہرست دی گئی ہے جس میں غلط اور صحیح الفاظ کی نشاندہی کر دی گئی ہے۔

غلط الفاظ
صحیح الفاظ
اژدہام
ازدحام
حامی بھرنا
ہامی بھرنا
مواقعوں
مواقع یا موقعوں
منگل وار کے دن
منگل کے دن
یہ بات واضع کرو
یہ بات واضح کرو
حساب بے باک کرو
حساب بےباق کرو
رقیق حملہ
رکیک
سیب کا مربع
سیب کا مربّہ
حلال احمر
ہلال احمر
نکتۂ نظر
نقطۂ نظر
اہم نقطہ
اہم نکتہ


ان کے علاوہ جملوں میں تذکیر و تانیث یعنی مذکر مؤنث کی غلطیاں بھی بہت عام ہیں۔ مثال کے طور پر:


غلط جملے
صحیح جملے
1ایسا موقعہ پھر نہیں ملے گا۔
ایسا موقع پھر نہیں ملے گا۔
2ٓآپ کا مزاج کیسا ہے؟
ٓپ کے مزاج کیسے ہیں؟
3ہجوم نعرے لگا رہے ہیں۔
ہجوم نعرے لگا رہا ہے۔
4ٓآج کی اخبار آ گئی۔
آج کا اخبار آ گیا۔
5عوام جمہوریت چاہتی ہے۔
عوام جمہوریت چاہتے ہیں۔
6اس لفظ کی معنی کیا ہے؟
اس لفظ کے معنی کیا ہیں؟
7آٓپ کیا کہتے ہو؟
ٓپ کیا کہتے ہیں؟
8انھوں نے کہا کے
انھوں نے کہا کہ
9مذید کیا کہتے ہیں؟
مزید کیا کہتے ہیں؟
10ساری چیزیں اکھٹی کر لو
ساری چیزیں اکٹھی کر لو
11میں نے کہا تھا نہ کہ مت جانا
میں نے کہا تھا نا کہ مت جانا
12نا خدا ہی ملا نا وصالِ صنم
نہ خدا ہی ملا نہ وصالِ صنم
13دوکان سے سامان لے آؤ۔
دکان سے سامان لے آؤ۔
14قیمتیں دن بدن بڑھ رہی ہیں۔
قیمتیں روزبروز بڑھ رہی ہیں۔


See more from تلفظ اور املا​