Urdu header 530x226

اوکسفرڈ اردو ڈکشنری کا مضمون/کہانی نویسی کا مقابلہ برائے 2018

اوکسفرڈ اردو ڈکشنری نے 2018 کا مضمون/کہانی نویسی کا مقابلہ منعقد کروایا جس کا عنوان تھا، وہ واقعہ جس نے مجھے اردو سے محبت پر مجبور کر دیا۔

یہ مقابلہ 14 سے 16 برس کے طلبہ و طالبات کے لیے تھا جس میں انھیں کوئی ایسا واقعہ یا کہانی بیان کرنا تھی جس کے بعد ان کے دلوں میں اردو کی محبت مزید اجاگر ہو گئی۔

اس مقابلے میں ہمیں نہ صرف پاکستان کے طول و عرض سے بڑی تعداد میں کہانیاں موصول ہوئیں بلکہ ہندوستان سے دیوناگری رسم الخط میں لکھی ہوئی کئی کہانیاں بھی شریکِ مقابلہ ہوئیں۔ 

ہمارے منصفین نے (جن میں ڈاکٹر سہیل سہیل اور ظفی سید شامل تھے) نہایت محنت اور دقت نظری سے ایک معین نظام کے تحت ہر کہانی کی درجہ بندی کی جس کے نتائج درجِ ذیل ہیں:

اس مقابلے کی فاتح نویں جماعت کی طالبہ سیدہ زینب عابدی ہیں جن کی عمر 14 سال ہے اور ان کا تعلق کراچی سے ہے۔

یہ کہانی مقابلے کے مصنفین کو اپنے تخلیقی انداز اور بیان کی سادگی اور تاثیر کی وجہ سے پسند آئی۔

اوکسفرڈ اردو ڈکشنری کی ٹیم زینب کو ان کی اس کامیابی کے لیے تہہِ دل سے مبارک باد پیش کرتی ہے۔

آپ یہ کہانی یہاں پڑھ سکتے ہیں۔

دوسرے نمبر پر آنے والی کہانی کی مصنفہ ضلع ننکانہ صاحب کی قرۃ العین ہیں۔ ان کی کہانی اپنے اچھوتے پن اور تخلیقی فضا کی وجہ سے موصول ہونے والی تمام کہانیوں میں منفرد رہی۔ 

یہ کہانی یہاں پڑھی جا سکتی ہے۔

تیسرے نمبر پر آنے والی کہانی/مضمون کی مصنفہ کا نام فاکہہ قاسم ہے اور ان کا تعلق اسلام آباد سے ہے۔ اس کہانی میں انھوں نے جیسے ضرورتِ رشتہ کے اشتہار کو موضوع کے مطابق ڈھالا وہ مصنفین کو نہایت پسند آیا۔ 

آپ یہ کہانی یہاں ملاحظہ کر سکتے ہیں۔  

ہم مقابلے میں کامیاب ہونے والے تمام شرکا کو دلی مبارکباد پیش کرتے ہیں اور امید رکھتے ہیں کہ وہ اردو لکھنے پڑھنے کا سلسلہ جاری رکھیں گے۔  


See more from اردو مطالعہ