Urdu dialects

اردو کے رنگارنگ لہجے


اردو وسیع، قدیم اور متنوع زبان ہے جو برصغیر کے مختلف خطوں میں بولی جاتی ہے۔ ان مختلف علاقوں کے لوگ اردو زبان کو اپنے اپنے مخصوص انداز سے بولتے ہیں، جن کی لفظیات، تلفظ اور لہجہ مختلف ہوتے ہیں لیکن یہ سب رنگارنگ پھول ایک ہی رنگین گلدستے کا حصہ ہیں۔

اوکسفرڈ اردو کی اس خصوصی پیشکش میں ہم اردو کے انہی مختلف و متنوع لہجوں پر ایک نظر ڈال رہے ہیں۔ اس کے لیے ہم نے اپنے اپنے لہجوں میں اردو بولنے والے افراد کو درج ذیل پیرا اپنے مخصوص انداز میں بولنے کی فرمائش کی تھی:

آج کل بڑی گرمی پڑ رہی ہے۔ دھوپ بہت تیز ہے۔ تھوڑی دیر کو باہر نکلیں تو خوب پسینہ آتا ہے۔ ابھی برسات کا موسم شروع ہونے میں کچھ دن باقی ہیں۔ جب بارشیں برسیں گی تو گرمی کا زور ٹوٹ جائے گا، البتہ یہ مسئلہ الگ ہے کہ برسات میں حبس بڑھ جاتا ہے۔

1 بمبیا لہجہ

بالی وڈ کی فلموں کے بدمعاش یہ زبان بولتے سنائی دیتے ہیں، خاص طور پر آپ نے منا بھائی کی فلموں میں آپ نے یہ لہجہ سنا ہو گا، لیکن یہ واقعی ممبئی کی گلیوں میں عام بولا جاتا ہے اور اردو اور مراٹھی کے لسانی اور صوتی اختلاط سے وجود میں آیا ہے۔


2 بہاری اردو

ویسے تو اس لہجے کا تعلق بھارتی ریاست بہار سے ہے، لیکن تقسیمِ ہندوستان کے بعد وہاں سے بہت سے لوگ ہجرت کر کے پاکستان کے مختلف علاقوں میں آ بسے۔ اسی وجہ یہ لہجہ پاکستان میں بھی سنائی دے جاتا ہے۔


3 بھوج پوری لہجہ

آپ شاید ہندوستانی فلموں کے ذریعے اس لہجے سے روشناس ہوئے ہوں۔ بےحد میٹھا اور دل کش لہجہ ہے۔


4 پشاور کی اردو

پشتو بولنے والوں کا انداز دور سے پہچانا جاتا ہے اور وہ اردو اپنے مخصوص انداز میں بولتے ہیں۔


5 دکنی اردو

یہ لہجہ سابق ریاست حیدرآباد دکن میں بولا جاتا ہے اور اس کا شمار اردو کے قدیم ترین لہجوں میں ہوتا ہے۔ دکنی اردو بولنے والے بعض الفاظ کا تلفظ اپنے مخصوص انداز میں کرتے ہیں جو کانوں میں رس گھول دیتا ہے۔


6 کراچی کی اردو

کراچی میں ہندوستان کے مختلف علاقوں سے اردو بولنے والے آئے جن کے آپس میں اختلاط سے وہاں کا مخصوص لہجہ وجود میں آ گیا۔


7 کلکتے کی اردو

ایک زمانے میں کلکتہ اردو کا بڑا مرکز تھا۔ آج وہاں اردو کیسے بولی جاتی ہے؟ اس کی ایک جھلک ملاحظہ ہو۔


8کوئٹہ کا لہجہ

کوئٹہ کے رہنے والے اپنے مخصوص انداز میں اردو بولتے ہیں جس کے دوران وہ اردو کے اندر وہاں بولنے والی مختلف زبانوں کے الفاظ داخل کر دیتے ہیں جو بیک وقت عجیب بھی ہے اور انتہائی پرکشش بھی۔ ہمارے لیے عثمان قاضی صاحب نے خصوصی ریکارڈنگ کی ہے۔


9 لاہور کی اردو

زندہ دلانِ لاہور جہاں دوسرے کام منفرد انداز میں کرتے ہیں، وہاں انہوں نے اردو بولنے کا الگ لہجہ پیدا کر لیا ہے، جس پر اندرونِ شہر کی لہرے دار پنجابی کا گہرا اثر ہے۔ 


See more from ​ثقافت و معاشرہ